freeman0000-0030

bu大學生生活專題探究比賽,訪問大學生戴文健,take one. 咁freeman啦,首先好多謝你接受我地既訪問啦,我地今次訪問既目的係想知道大學生租住宿對佢地同家人有冇影響.我地知道你而家係大學宿舍入面居住,所以想訪問你,入讀大學前後同屋企人有冇產生變化.咁我就係王卓雅
yako我係易慧茹
褘哥我係陳啟褘
sam我係李碩晟
vito我係洪梓駿
freeman你地好
bu首先呢你係讀邊間大學架
freeman香港浸會大學
bu咁你係讀咩系架
feeman英文系
bu你係宿舍住左有幾耐呢
feeman過去2個學期都有住既,姐係10年既9月住到11年既5月
bu咁你今年幾多歲
feeman20歲
vito咁你係大學入面所用既生活費同埋學費係由父母俾定係由自己搵工去俾
freeman生活費就自己最近頭一兩個月咁樣啦,咁就因為果陣時仲有補習同埋暑假果時都有補習既.但係十月就放棄哂d補習,咁之後既生活費都係由屋企人俾.咁學費方面就係都係要借lo,姐係要借學費番黎,因為屋企唔係有錢啦,所以就要借哂全數lo
sam首先問下你啦,你覺得浸大既宿舍有咩特色
freeman浸大既宿舍有咩特色呀,個規矩非常嚴格lo,咁就係所謂如果要屈蛇,姐係非法咁住呢,俾一d唔係宿生住既話呢,幾乎係冇可能既.咁如果要做到呢樣野既話呢,因為佢有個系統,係有卡自至入到去,所以要換卡,或者係一個人入去一個人出去換左張卡佢lo,但係都會好麻煩,咁呢個係其中一個特色lo.但係好多人都投訴過,因為有好多其他大學都係好自由,隨時走入去訓都得既.咁但係我覺得浸大呢個,我自己既個人睇法,我會有時覺得可惜.但係我寧願係咁樣,因為我比較中意_ _小小
sam多唔多人住宿舍呢浸大
feeman多唔多人住宿舍?我覺得多呀,或者係宿位少,因為都係相對咁睇,咁多年黎都係好多人想住然後就要,因為住宿舍要計分,住幾遠要計分,同埋住過既話住計番佢對宿舍既供獻lo.咁呢d計分係要好多分先可以住到下一年.
vito分左幾多間宿舍
freeman有4個舍堂啦而家,4個舍堂都有自己唔同既文化既,咁有時可能話讀體育既人呢會多入其中一個hall叫宋慶齡堂 .咁可能又有會話,蔡元培堂就比較要成日d人玩活動咁,亦都有一d叫做接hall.咁d人入去之前會問c hing入邊個hall.所以係有4個hall
vito係宿舍入面呢,多唔多活動舉行
freeman多架,因為負責宿舍活動既人呢,除左官方果邊會有人番工番office會搞少少活動之外,仲要學生自己搞,咁例如,升左大學入year1之後就要上莊,之後果年就要不斷咁搞活動lo.咁我見到無論咩舍堂都好啦,或者自己認識讀其他大學既hall都係好多活動既.咁活動例如係高桌夜宴啦,姐係出去食一餐飯.或者係一個舞會,亦都有住hall既人會報名泳池玩一個夏水禮呢類活動.其實每隔一兩個月甚至每一個月都有活動,但係就視乎番d人有冇興趣lo,總有一堆人永遠都冇興趣唔玩活動.
sam都想問下你,你中唔中意住hall呢
freeman我中意住hall架我好中意住hall架,但係有d人唔中意.咁例如我呀哥,我呀哥完全同我掉住,住hall係好唔開心既,佢係每個禮拜番到屋企都係好開心既,但係我就成日都唔想番屋企既,住hall點解會中意,就係有自由啦,另外更加重要係識到同一層樓既一大班兄弟,呢個係好難得都好開心.如果你地想聽既我可以分享下同一班兄弟住同平時係學校有咩分別
vito都好呀
freeman你地冇讀過男校麻?因為我本身冇讀過男校,我本身就好中意呢種生活,咁就大家唔會斤斤計較.今日問你攞一包麵或者問你攞碗金寶鐘既湯,咁就算我唔還番俾你,你都唔會怪我.大家唔會計較呢d野lo.然後大家會互相照顧,夜晚可能係3,4點先訓,有野會一齊出去,唔會只係酒肉朋友,大家真係會坐埋黎傾計,唔會話散人地d衰野出去,因為真係當大家係兄弟.咁我同我果層呢到而家仍然係每個月出黎2,3次.咁其實到上年9月開學開始啦,因為我住17樓,咁每個月既17號都會出黎一齊出黎食飯,就算去到今個月既17號都會照樣出去旺角或者邊到食飯,呢個係我地打算一生人都會繼續落去
bu咁照你咁講,其實你係宿舍入面同d宿友住得好開心啦,咁其實如果你係生活上有咩問題呀唔開心等等既野,你反而係想同宿友分享定係反而同番屋企人分享
freeman呢個就視乎番咩問題啦,我諗如果學業方面,可能大學考試果類問題覺得好唔開心或者功課就會同番大學入面既宿友分享番,會同佢地講番我最近點樣呀,咁佢地同番我講係點樣既姐唔洗介意或者你點會就得架啦.我其實本身就可能而家住完宿舍,我仍然同番宿舍保持聯絡啦,咁分享時都係偏向同番宿友分享多d.咁但係另外就多番同自己哥哥分享番自己問題.但係爸爸媽媽果到就小d,個人越黎越大個就越少同佢地講番自己而家既野.特別係讀書,因為爸爸媽媽讀得書少,所以同佢地呻都未必會明呀.佢地只會叫你唔好介意咁多,就唔會好具體講到d咩做法.咁宿舍其實係住既時候日日見當然係同宿舍分享多d
vito咁你都住左係宿舍入面有一年啦,咁你比較中意係宿舍既生活定係屋企人入面生活呢
freeman我中意宿舍生活多d呀真係,真係好典型唔中意番屋企
yako咁你每個星期番屋企幾多次
freeman呢個就一開學開始直到第二個學期開始都係一星期一次,咁但係第二個學期開始係自己決定要番少d.咁就唔係因為好唔中意屋企.而係麻煩啦另外就係想爸爸媽媽明白到我唔係話番呢就番呢.可能呢個做法唔係咁岩,甚至唔應該教你地咁樣做,但係我自己用一個比較好小小逼佢地接受既方法,令佢地知我自己唔係真係咁痴屋企啦,我有好多野想自己做.或者爹地媽咪會習慣多d其實我係一個自己決定自己既人.因為我第日條路點行我都改變好多,我唔想佢地有一個諗法,一定要我點樣
bu照你咁講啦,你都唔係幾中意痴係屋企.咁當你讀完大學之後,冇宿舍住時你會唔會考慮搬出去住
freeman咁就唔會啦,因為冇錢啦.我覺得就算自己搵到好多錢都好,都會番屋企.因為點樣都好同屋企人關係唔係差既,但係自己就好中意自由,好中意自己一個做好多野,覺得屋企好細,好多野都係限住限住,呢個就係宿舍唔會令到我有呢個感覺,咁我就唔會話自己一個搬出去住,主要係因為自己冇錢,同埋香港細.我就類似傳統家庭,可能係結婚先會同個老婆搬出去住
vito咁你係平均一星期番一次屋企啦,咁你每次同屋企人見面時間有幾耐呢
freeman通常都係禮拜6 4,5點走,6,7點番到屋企.咁就見到禮拜日晚9點幾我就走.姐係其實係近24個鐘
vito咁你父母有冇同你講過其實想你番耐d同你見耐d面呢
freeman佢地應該係好想見我好想我留係屋企,但係冇乜特別出聲
yako咁你每個星期會唔會打電話
freeman最初冇,但係第2,3個月開始會隔唔中打俾呀媽姐係講例如講學校有點樣,例如有咩唔開心既野,攞獎,最近讀得幾好呀,講俾佢聽
vito咁你覺唔覺得住左宿舍之後果個關係疏離左呢
freeman我又覺得住果陣都唔係疏離,反而係好左.我諗大家見少左大家,唔會再好似平日咁好多野要忍讓.例如平日同媽咪係屋企成日how門話要俾湯我飲俾生果我食呀,其實係好好既.但係當每日都咁樣做,自己做緊自己野或者溫緊書,就會覺得好煩.咁小見做一番到去一黎係屋企飯,掛住係屋企飯,就算我中意煮飯.咁大家見少左,就算大家平時點好冇耐性都會忍耐到.咁我覺得呢個係我覺得住hall,我唔知算唔算係改善緊段關係定係逃避一d爭執,咁就由你地去決定lo,但係我自己就見到我覺得係好左
bu姐係咁既話你係未入hall之前同屋企人關係都係咁好
freeman但係太煩覺得好壓逼
vito住完宿舍後有冇更加關心佢地
freeman其實住完宿舍都有,會問候多左,因為少見左,比較小知道關於佢地既野
vito姐係相比住宿前係更加關心既
freeman係呀,但係爸爸媽媽本身都係小講野,其實我真係知道佢地既野唔會多左,因為當我唔問或者我唔分享先,佢地都唔會講太多野
褘哥咁你住左宿舍之後有冇覺得自己變得更加獨立左呢
freeman我有呀,尤其是係洗碗,因為係屋企就唔會話唔識洗碗,而係懶洗,硬係覺得係爸爸媽媽責任,只會係佢地全日出街,然後我朝早食完野先會自己洗.但係番到呢之後,就算佢地係到啦,我煮完野都會自己煮埋,但係以前就好衰好唔負責任掉低既.呢到其中一個我學識左同埋習慣左做既野lo.另外仲有自己買野,買一d自己中意食既野,呢個慾望會強左,因為以前成日覺得屋企食既野ok啦,唔洗特登自己買,但係住hall慣左自己買自己想食既野,咁番到屋企就會買餅乾或者野飲或者麵,因為慣左自己想食既野
bu姐係你話你自從住左hall之後你都變得自主左
freeman冇錯,我覺得係
yako咁你有冇覺得係屋企既話事權多左或者個地位係高左
freeman話事權多左呀
sam姐係你屋企有d決策會唔會搵你商量多d
freeman咁又冇話特別多左既,話事權一路以黎都慢慢有多,因為我同哥哥都越黎越大個,佢地多左會問我地2個意見,媽咪會信多左我地,可能覺得我地讀過書,就唔會好似以前咁覺得我地細個,呢個就唔會太關宿舍事
sam姐係你覺得係隨住年紀增加既事
freeman係呀係呀
yako咁你屋企係唔係一個好平等既,姐係有商量既事
sam會唔會一個人話哂事定係有事會一齊商量
freeman唔會一個話哂事,咁我同我呀哥lo.都幾多野會一齊商量架我都見到.但係就都未去到你地可能有時睇戲或者電視機見到好好關係果隻,乜都同呀媽傾,會話咩一個禮拜有一兩晚入房同呀媽坐係張床到同呀媽傾計,冇呢隻lo.但係就冇拗_爸爸媽媽就算小野講但係就未去到唔中意我地.都會有一家人出去睇戲,一家人去食飯.呢d係我身邊好多朋友都冇,姐係佢地會覺得點解可以一家人去睇戲咁神奇
yako咁姐係話你成個屋企既溝通都會做得好好既或者足夠既
freeman其實未架,爸爸媽媽本身性格都內向,令到我同我哥哥都遺傳我相信,其實係咁岩大家有忍讓啦,大家唔會有介意.有唔開心有時會講出黎,咁大家冇話唔岩呀所以冇事lo.咁其實溝通就唔會真係,爸爸媽媽唔會成日問我想要d咩或者點會既,通常係我地自己講,都係靠我同哥哥讀過書識番講d野
vito咁你覺得相比住宿舍之前,同父母關係會唔會改好左? 姐係會唔會比宿舍之前傾得更加多計
freeman我覺得多左,好似住宿舍既時候講多左學校情況,習慣小小同媽咪分享多d野.另外自己個耐性大左,姐係容忍媽咪d麻煩呀,以前覺得佢煩,但係而家自己容忍到
yako你覺唔覺得住左宿舍之後見面次數少左而改善左屋企人關係
freeman我覺得都係既
yako或者之前有冇話成日都見到面所以拗下呢? 次數會唔會少左呢比全宿之前
freeman我覺得少左,之前冇鬧交但係有果d大聲,例如得啦,你都唔明.以前就多d,覺得媽咪唔明自己想點樣,姐係有時佢同我講話做入境處,穩穩陣陣打番工,我唔會想要穩穩陣陣打份政府工算呢一類既野有小小拗_,之後而家望番呢一兩個月都冇乜
bu咁你覺得住左宿舍之後同鬧交少左同之前有冇改變呢
freeman我覺得少左
bu所以總括黎講住宿舍令到你地鬧小左交?
freeman未必能夠歸功於住宿舍事
yako我諗係只係其中一種因素?
freeman我諗係其中一種因素
vito間接令到你咁
freeman而係自己大個左呀
yako或者成熟左?
freeman係成熟左
yako你覺得宿舍同屋企有咩分別
freeman我覺得宿舍,最明顯係自由度係冇人理你幾時訓幾時做d咩.另外就係有任何問題你都未必能夠嗌屋企人,姐係你都要搵人幫手都要搵宿友,而宿友都未必係哂到,你要去how門或者點樣.咁呢個自由度同處理問題上既方面
sam咁你覺得住係宿舍到安全感好d定係番屋企好d?你頭先都話到有d問係要自己解決,會唔會係屋企就可以搵到父母幫手容易解決d
freeman安全感呢樣野就,其實住宿舍一般而言都冇乜問題,只不過係最初入宿頭幾個禮拜覺得唔舒服,因為好多野都係哂屋企,就覺得好唔慣,張床訓得唔舒服,咁但係冇特別覺得屋企安全d,反而係後黎住宿舍,覺得越搬得多野係宿舍就唔想番屋企.因為之後搬左好多書去宿舍,d衫褲又係宿舍.呢個係一個方法令到你自己照顧自己,但係會令到你唔想番屋企
vito姐係對宿舍係依賴多左
freeman係呀,歸屬感到多左
bu咁宿舍入面有舍監,咁你覺唔覺得有d似爹地媽咪呢
freeman冇wo又,可能係舍監同舍堂冇分別,而家舍監走左去教育局做,你地會係電視機到見到佢.佢係做舍監既時候又唔會覺得太似爸爸媽媽,但係佢真係好關心好鼓勵我地啦,會不斷同我地強調番自己個舍堂文化,呢個就唔係黑sell你要做邊d野而係我地大家都好中意自己個文化,去鼓勵我地全情落去呀,佢又冇話監管我地,有d野係大家都知道唔做得既時候,唔知佢面前做呀.你地知唔知咩係kon人,姐係大學生果d衰野呀,唔可以整估人呀,唔可以係佢面前,要收收埋埋趁d舍監唔係到先玩.其實佢係4,5月走之前我地都係玩埋佢,佢都冇介意,咁我覺得佢唔似個監管,佢係有活動就會一齊玩,其實都融為一體
bu咁你覺唔覺得舍監關心你地既程度比爹地媽咪好
freeman咁我覺得冇咁好,佢果種關心係佢真係有心但係好難入到去了解我地,佢會了解一般學生既諗法,但係成個舍太多人,佢唔會話了解到每一個人既分別或者個人既問題,變左做問候我地或者鼓勵我地既野都係好表面,我地都唔會冇啦啦走去問d好深入既野.咁呢個就係我覺得同爸爸媽媽既分別,爸爸媽媽真係可以同你傾訴深入d既問題
yako咁點解你會諗住住宿舍既
freeman當初諗住宿舍就係哥哥住過宿舍一年,雖然佢好唔中意,但係我一路都好期待住宿舍既生活,另外知道住宿舍可以簡講英文既國際學生,所以我兩個學期都係同唔同人住,姐係佢地黎交流一個學期,跟住到第二個學期到第二個黎交流,咁兩個學期都係同個外國人住,姐係隔離床係外國人.咁呢個係我想要既生活,會係其中一個我簡住宿舍既原因.另外係想大個d,因為媽媽由細到大都係鍚住我地照顧住我地,咁養成我果d放低d碗唔洗既習慣啦
bu咁係宿舍入面既設備好多元化啦,咁有冇減低你對屋企依賴
freeman咁又冇,因為諗唔到有d咩特別野真係話令到我同屋企比較,咁姐係洗衣咁,咁住hall就自然要用.番屋企就自然俾呀媽洗,呢個好小話有比較
sam姐係即使住hall之後番到屋企都係同以前一樣差唔多
freeman差唔多,或者講到一兩樣,係hall到有gym用跑步機唔洗落街跑,番到屋企就要落街跑步咁,冇乜特別明顯既野比較到
褘哥咁宿舍既租金係幾多
freeman浸會大學就六千過dd就一個學期,都成二千蚊一個月,差唔多
vito你會唔會因為係宿舍住完之後個行為變得大膽左
sam姐係平時有d野係你屋企唔敢做但係而家會敢做
freeman又冇wo
bu咁思想呢,思想有冇改變呀,變得成熟左
freeman我諗係成熟左但係好難講出黎,咁講到出黎既係自己對人地既關懷果類
yako你覺得關懷係多左既,知道係點樣去關懷既
freeman識得點樣識朋友,知多左呢d點樣關心人.因為住hall呢兩個學期同一層樓我地好似一個過程咁.過三個月就玩到好din啦,晚晚都玩,係間房到打機.去到假期因為一大堆人番左去屋企,我係番左一段時間係屋企,但係好多時候間留係hall,果段時間就好靜好少人係到都係得果幾個,但係果幾個都會一齊食飯一齊去玩.過完之後大家都冷靜落黎,冇再好似頭三個月一齊玩得咁din.咁一黎大家照可多左學業啦,我見到大家唔係對大家冷淡左,而係發展成一種大家關照大家唔再一齊玩既一堆兄弟lo.呢個係我觀察到,變左第二種溝通方式或者感情.
bu其實你覺得住宿舍會唔會阻礙左你同屋企人既關係,姐係大家少溝通呀
freeman我覺得都唔會既,但唔係嚴重lo.或者唔係致命.唔會話造成一個唔住宿舍既原因lo,因為係由大家去自己做溝通,我覺得一定會影響到溝通阻礙到.因為大部份時間都係宿舍,就算你有打電話你都係小見左,但係我覺得呢個會阻礙到但唔係一個大壞處
bu咁你覺得一個家庭最重要係有咩要素呢?咁你屋企自從係你住左宿舍之後又有冇呢樣野呢
freeman呢個問題好難答
yako例如話平等呀,有d尊重大家呀或者溝通呀.一個家庭最重要係咩呢,或者互相鼓勵
sam互相鼓勵,互相尊重呀忍讓之類
freeman溝通同埋支持lo,因為如果你唔同屋企人講你有咩改變或者發生或者點解唔開心,你同佢地既差距越黎越大,因為佢知道越黎越少關於你生命既野lo,但係最後過一段時間,你爸爸媽媽唔明白你既時候,你已經唔能夠講番你經歷既野俾佢聽lo